Mundakan oso Aratuste bitxiak ospatzen dira. Parte hartzen duten gizonei "Atorrak" deritze eta emakumeei "Lamiak". Atorrek gona, brusa eta praka zuriak janzten dituzte, burko-zorro bat buruan txano gisa eta koloretako zapia. Lamiek soineko beltza ezezik buruan hile-orde zuria eta koloretako zapia janzten dute eta aurpegia makillatzen dute. Atorrek (goizez irtetzen dira) zein lamiek (arratsaldez irtetzen dira) Mundakako kaleak alaitzen dituzte beren kantu eta umore onarekin.
